PSALTERIUM
PER QUATTUOR HEBDOMADAS
DISTRIBUTUM

Cyclus quattuor hebdomadarum Psalterii ita cum anno liturgico conectitur, ut a prima hebdomada, omissis aliis, resumatur in dominica I Adventus. Et sic continuatur usque ad festum Baptismatis Domini exclusive. A prima hebdomada resumatur dominica I Quadragesimæ. Feria IV Cinerum et diebus sequentibus, psalmi sumuntur ex hebdomada IV Psalterii. Expleta octava Paschæ, resumitur hebdomada II Psalterii feria II post dominicam II Paschæ.

A prima hebdomada, omissis aliis, resumatur in hebdomada I «per annum». Post vero Pentecosten, resumitur ab hebdomada Psalterii quæ respondet numero hebdomadarum «per annum».

Signum — in ima pagina finem strophæ psalmicæ indicat.

HEBDOMADA I

DOMINICA

Ad I Vesperas

HYMNUS

Deus, creátor ómnium

políque rector, véstiens

diem decóro lúmine,

noctem sopóris grátia,

Artus solútos ut quies

reddat labóris úsui

mentésque fessas állevet

luctúsque solvat ánxios,

Grates perácto iam die

et noctis exórtu preces,

voti reos ut ádiuves,

hymnum canéntes sólvimus.

Te cordis ima cóncinant,

te vox canóra cóncrepet,

te díligat castus amor,

te mens adóret sóbria,

Ut cum profúnda cláuserit

diem calígo nóctium,

fides tenébras nésciat

et nox fide relúceat.

Christum rogámus et Patrem,

Christi Patrísque Spíritum;

unum potens per ómnia,

fove precántes, Trínitas. Amen.

PSALMODIA

Ant. 1 Dirigátur, Dómine, orátio mea sicut incénsum in conspéctu tuo.

Ant. 2 Tu es refúgium meum, Dómine, pórtio mea in terra vivéntium.

Ant. 3 Humiliávit semetípsum Dóminus Iesus, propter quod et Deus exaltávit illum in sǽcula.

Lectio brevis

Rom 11, 33-36

O altitúdo divitiárum et sapiéntiæ et sciéntiæ Dei! Quam incomprehensibília sunt iudícia eius et investigábiles viæ eius! Quis enim cognóvit sensum Dómini? Aut quis consiliárius eius fuit? Aut quis prior dedit illi, et retribuétur ei? Quóniam ex ipso et per ipsum et in ipsum ómnia. Ipsi glória in sǽcula. Amen.

Responsorium breve

Quam magnificáta sunt {*} Opera tua, Dómine.

Quam magnificáta sunt {*} Opera tua, Dómine.

Omnia in sapiéntia fecísti. {*}

Opera tua, Dómine.

Glória Patri, et Fílio, et Spirítui Sancto.

Quam magnificáta sunt {*} Opera tua, Dómine.

Ad Magnificat, antiphona ut in Proprio de Tempore.

Preces

Uni Deo, Patri et Fílio et Spirítui Sancto, glóriam dicéntes, humíliter deprecémur:

Adésto pópulo tuo, Dómine.

Dómine sancte, Pater omnípotens, fac ut in terra nostra oriátur iustítia,

et sedébit pópulus tuus in pulchritúdine pacis.

Adésto pópulo tuo, Dómine.

Da plenitúdinem géntium in regnum tuum intráre,

et sic omnes pópuli salvi fient.

Adésto pópulo tuo, Dómine.

Præsta ut in tua pace cóniuges máneant et voluntáte,

atque in mútua semper caritáte vivant.

Adésto pópulo tuo, Dómine.

Remunerári dignáre, Dómine, omnes nobis bona faciéntes,

et vitam ætérnam da eis.

Adésto pópulo tuo, Dómine.

Odio et bellis perémptos réspice miserátus,

eos in cæléstem réquiem dignáre suscípere.

Adésto pópulo tuo, Dómine.

Pater noster.

Oratio, ut in Proprio de Tempore.

Conclusio Horæ, ut in Ordinario.

Ad Invitatorium

Dómine, lábia mea apéries.

Et os meum annuntiábit laudem tuam.

Ant. Veníte, exsultémus Dómino, iubilémus Deo salutári nostro, allelúia.

Ad Laudes matutinas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

HYMNUS

Ætérne rerum cónditor,

noctem diémque qui regis,

et témporum das témpora

ut álleves fastídium,

Præco diéi iam sonat,

noctis profúndæ pérvigil,

noctúrna lux viántibus

a nocte noctem ségregans.

Hoc excitátus lúcifer

solvit polum calígine;

hoc omnis errónum chorus

vias nocéndi déserit.

Hoc nauta vires cólligit

pontíque mitéscunt freta;

hoc, ipse Petr{i}a{/i} Ecclésiæ,

canénte, culpam díluit.

Iesu, labántes réspice

et nos vidéndo córrige;

si réspicis, lapsus cadunt

fletúque culpa sólvitur.

Tu, lux, refúlge sénsibus

mentísque somnum díscute;

te nostra vox primum sonet

et vota solvámus tibi.

Sit, Christe, rex piíssime,

tibi Patríque glória

cum Spíritu Paráclito,

in sempitérna sǽcula. Amen.

Psalmodia

Ant. 1Ad te de luce vígilo, Deus, ut vídeam virtútem tuam, allelúia.

Ant. 2Tres ex uno ore clamábant in camíno ignis et psallébant: Benedíctus Deus, allelúia.

Ant. 3Fílii Sion exsúltent in rege suo, allelúia.

Lectio brevis

Ap 7, 10b. 12

Salus Deo nostro, qui sedet super thronum, et Agno. Benedíctio et glória et sapiéntia et gratiárum áctio et honor et virtus et fortitúdo Deo nostro in sǽcula sæculórum. Amen.

Responsorium breve

Christe, Fili Dei vivi, {*} Miserére nobis.

Christe, Fili Dei vivi, {*} Miserére nobis.

Qui sedes ad déxteram Patris. {*}

Miserére nobis.

Glória Patri, et Fílio, et Spirítui Sancto.

Christe, Fili Dei vivi, {*} Miserére nobis.

Ad Benedictus, antiphona ut in Proprio de Tempore.

Preces

Christum Dóminum, diem et solem nostrum, qui illúminat omnem hóminem, et qui nescit occásum, laudémus clamántes:

O Dómine, vita et salus nostra!

Primítias huius diéi, síderum Creátor, a tua pietáte gratánter suscípimus.

Resurrectiónem tuam commemorámus.

O Dómine, vita et salus nostra!

Spíritus tuus bonus hódie nos tuum fácere dóceat beneplácitum,

et tua Sapiéntia dedúcat nos semper.

O Dómine, vita et salus nostra!

Magno cum gáudio cœ́tui dominicáli da nobis interésse,

in circúitu mensæ verbi et córporis tui.

O Dómine, vita et salus nostra!

Grátias agunt tibi ánimæ nostræ,

pro innúmeris benefíciis tuis.

O Dómine, vita et salus nostra!

Pater noster.

Oratio, ut in Proprio de Tempore.

Conclusio Horæ, ut in Ordinario.

PSALMODIA

Ant. 1 Bonum est confúgere ad Dóminum; in sǽculum misericórdia eius, allelúia.

Ant. 2 Fortitúdo mea et laus mea Dóminus, allelúia.

Ant. 3 Confitébor tibi, Dómine, quóniam exaudísti me, allelúia.

Lectio brevis

1 Io 4, 16

Nos, qui credídimus, cognóvimus caritátem, quam habet Deus in nobis. Deus cáritas est, et qui manet in caritáte, in Deo manet, et Deus in eo manet.

Inclína cor meum, Deus, in testimónia tua.

In via tua vivífica me.

Lectio brevis

Gal 6, 7-8

Quæ semináverit homo, hæc et metet; quóniam, qui séminat in carne sua, de carne metet corruptiónem, qui autem séminat in spíritu, de spíritu metet vitam ætérnam.

In ætérnum, Dómine, verbum tuum.

In generatiónem et generatiónem véritas tua.

Lectio brevis

Cf. Gal 6, 9-10

Bonum faciámus infatigábiles, témpore enim suo metémus non deficiéntes. Ergo dum tempus habémus, operémur bonum ad omnes, máxime autem ad domésticos fídei.

Clamávi in toto corde meo, exáudi me, Dómine.

Iustificatiónes tuas servábo.

Ad II Vesperas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

HYMNUS

Lucis creátor óptime,

lucem diérum próferens,

primórdiis lucis novæ

mundi parans oríginem;

Qui mane iunctum vésperi

diem vocári prǽcipis:

tætrum chaos illábitur;

audi preces cum flétibus.

Ne mens graváta crímine

vitæ sit exsul múnere,

dum nil perénne cógitat

seséque culpis ílligat.

Cælórum pulset íntimum,

vitále tollat prǽmium;

vitémus omne nóxium,

purgémus omne péssimum.

Præsta, Pater piíssime,

Patríque compar Unice,

cum Spíritu Paráclito

regnans per omne sǽculum. Amen.

Psalmodia

Ant. 1Virgam poténtiæ suæ emíttet Dóminus ex Sion, et regnábit in ætérnum, allelúia.

Ant. 2A fácie Dómini mota est terra, allelúia.

Ant. 3Regnávit Dóminus Deus noster omnípotens, allelúia.

Lectio brevis

2 Cor 1, 3-4

Benedíctus Deus et Pater Dómini nostri Iesu Christi, Pater misericordiárum et Deus totíus consolatiónis, qui consolátur nos in omni tribulatióne nostra, ut possímus et ipsi consolári eos, qui in omni pressúra sunt, per exhortatiónem, qua exhortámur et ipsi a Deo.

Responsorium breve

Benedíctus es, Dómine, {*} In firmaménto cæli.

Benedíctus es, Dómine, {*} In firmaménto cæli.

Et laudábilis et gloriósus in sǽcula. {*}

In firmaménto cæli.

Glória Patri, et Fílio, et Spirítui Sancto.

Benedíctus es, Dómine, {*} In firmaménto cæli.

Ad Magnificat, antiphona ut in Proprio de Tempore.

Preces

Christum Dóminum adorántes, qui est caput nostrum et cuius nos membra sumus, cum exsultatióne clamémus:

Advéniat regnum tuum, Dómine.

Ecclésiam tuam, Salvátor noster, unitátis géneris humáni vivídius constítue sacraméntum,

et efficácius cunctis géntibus salútis mystérium.

Advéniat regnum tuum, Dómine.

Episcopórum collégio cum Papa nostro semper adésto,

iísque unitátis, caritátis pacísque dona largíre.

Advéniat regnum tuum, Dómine.

Fac ut árctius uniántur tibi divíno cápiti christiáni,

et regnum tuum testimónio vitæ procláment.

Advéniat regnum tuum, Dómine.

Pacem mundo præstáre dignéris,

ut secúritas et tranquíllitas ubíque floréscant.

Advéniat regnum tuum, Dómine.

Novíssimæ resurrectiónis glóriam concéde defúnctis,

et illórum nos beatitúdinis fac esse consórtes.

Advéniat regnum tuum, Dómine.

Pater noster.

Oratio, ut in Proprio de Tempore.

Conclusio Horæ, ut in Ordinario.

HTML © Juraj Vidéky