FERIA SEXTA, Hebd. I

Ad Invitatorium

Dómine, lábia mea apéries.

Et os meum annuntiábit laudem tuam.

Ant. Confitémini Dómino, quia in ætérnum misericórdia eius.

Ad Laudes matutinas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

Quæ omnia omittuntur, quando Invitatorium immediate præcedit.

HYMNUS

Ætérna cæli glória,

beáta spes mortálium,

celsi Paréntis Unice

castǽque proles Vírginis,

Da déxteram surgéntibus,

exsúrgat et mens sóbria

flagrans et in laudem Dei

grates repéndat débitas.

Ortus refúlget lúcifer

ipsámque lucem núntiat,

cadit calígo nóctium,

lux sancta nos illúminet,

Manénsque nostris sénsibus

noctem repéllat sǽculi

omníque fine témporis

purgáta servet péctora.

Quæsíta iam primum fides

radícet altis sénsibus,

secúnda spes congáudeat;

tunc maior exstat cáritas.

Sit, Christe, rex piíssime,

tibi Patríque glória

cum Spíritu Paráclito,

in sempitérna sǽcula. Amen.

PSALMODIA

Ant. 1 Acceptábis sacrifícium iustítiæ super altáre tuum, Dómine.

Tempore Paschali: Meménto mei, Dómine Deus, dum véneris in regnum tuum, allelúia.

Ant. 2In Dómino iustificábitur et laudábitur omne semen Israel.

Tempore Paschali: Vere tu es Deus abscónditus, Deus Israel, salvátor, allelúia.

Ant. 3Introíte in conspéctu Dómini in exsultatióne.

Tempore Paschali: Servíte Dómino in lætítia, allelúia.

Lectio brevis

Eph 4, 29-32

Omnis sermo malus ex ore vestro non procédat, sed si quis bonus ad ædificatiónem opportunitátis, ut det grátiam audiéntibus. Et nolíte contristáre Spíritum Sanctum Dei, in quo signáti estis in diem redemptiónis. Omnis amaritúdo et ira et indignátio et clamor et blasphémia tollátur a vobis cum omni malítia. Estóte autem ínvicem benígni, misericórdes, donántes ínvicem, sicut et Deus in Christo donávit vobis.

Responsorium breve

Audítam fac mihi mane {*} Misericórdiam tuam.

Notam fac mihi viam in qua ámbulem. {*}

Misericórdiam tuam.

Glória Patri, et Fílio, et Spirítui Sancto.

Audítam fac mihi mane {*} Misericórdiam tuam.

Ad Benedictus, ant. Visitávit et fecit redemptiónem Dóminus plebis suæ.

Preces

Christum, qui per crucem suam salútem géneri cóntulit humáno, adorémus, et pie clamémus:

Misericórdiam tuam nobis largíre, Dómine.

Christe, sol et dies noster, illúmina nos rádiis tuis,

et omnes sensus malos iam mane compésce.

Misericórdiam tuam nobis largíre, Dómine.

Custódi cogitatiónes, sermónes et ópera nostra,

ut hódie in conspéctu tuo placére possímus.

Misericórdiam tuam nobis largíre, Dómine.

Avérte fáciem tuam a peccátis nostris,

et omnes iniquitátes nostras dele.

Misericórdiam tuam nobis largíre, Dómine.

Per crucem et resurrectiónem tuam,

reple nos consolatióne Spíritus Sancti.

Misericórdiam tuam nobis largíre, Dómine.

Pater noster.

Oratio

Deus, qui ténebras ignorántiæ Verbi tui luce depéllis, auge in córdibus nostris virtútem fídei quam dedísti, ut ignis, quem grátia tua fecit accéndi, nullis tentatiónibus exstinguátur.

Conclusio Horæ, ut in Ordinario.

Ad Horam mediam

PSALMODIA

Ant. 1 Viam mandatórum tuórum curram, quia dilatásti cor meum.

Ant. 2 In Dómino sperans, non infirmábor.

Ant. 3 In Dómino sperávit cor meum, et adiútus sum.

Ad Tertiam

Lectio brevis

Phil 2, 2b-4

Idem sápite, eándem caritátem habéntes, unánimes, idípsum sapiéntes, nihil per contentiónem neque per inánem glóriam, sed in humilitáte superióres sibi ínvicem arbitrántes, non, quæ sua sunt, sínguli considerántes, sed et ea, quæ aliórum.

Univérsæ viæ Dómini misericórdia et véritas.

Custodiéntibus testaméntum eius et testimónia eius.

Oratio

Dómine Iesu Christe, qui hora tértia ad crucis pœnam ductus es pro mundi salúte, te súpplices exorámus, ut et de prætéritis malis semper apud te véniam impetrémus, et de futúris iúgiter habeámus custódiam.

Ad Sextam

Lectio brevis

2 Cor 13, 4

Etsi crucifíxus est Christus ex infirmitáte, sed vivit ex virtúte Dei. Nam et nos infírmi sumus in illo, sed vivémus cum eo ex virtúte Dei.

Adhǽsit púlveri ánima mea.

Vivífica me secúndum verbum tuum, Dómine.

Oratio

Dómine Iesu Christe, qui hora sexta, univérso mundo in ténebris constitúto, pro redemptióne nostra crucis lignum ínnocens ascendísti, illam nobis lucem semper concéde, per quam ad ætérnam vitam perveníre mereámur.

Ad Nonam

Lectio brevis

Col 3, 12-13

Indúite vos sicut elécti Dei, sancti et dilécti, víscera misericórdiæ, benignitátem, humilitátem, mansuetúdinem, patiéntiam, supportántes ínvicem et donántes vobis ipsis, si quis advérsus áliquem habet querélam; sicut et Dóminus donávit vobis, ita et vos.

Miserátor et miséricors Dóminus.

Longánimis et multæ misericórdiæ.

Oratio

Dómine Iesu Christe, qui pæniténtem latrónem de patíbulo crucis in regnum tuum transíre fecísti, peccáta nostra confiténtes te cum fidúcia deprecámur, ut post mortem nos fácias paradísi portas introíre gaudéntes.

Ad Vesperas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

HYMNUS

Plasmátor hóminis, Deus,

qui, cuncta solus órdinans,

humum iubes prodúcere

reptántis et feræ genus;

Qui magna rerum córpora,

dictu iubéntis vívida,

ut sérviant per órdinem

subdens dedísti hómini:

Repélle a servis tuis

quicquid per immundítiam

aut móribus se súggerit,

aut áctibus s{i}e{/i} intérserit.

Da gaudiórum prǽmia,

da gratiárum múnera;

dissólve litis víncula,

astrínge pacis fœ́dera.

Præsta, Pater piíssime,

Patríque compar Unice,

cum Spíritu Paráclito

regnans per omne sǽculum. Amen.

PSALMODIA

Ant. 1Sana, Dómine, ánimam meam, quia peccávi tibi.

Tempore Paschali: Christus propter nos egénus factus est, ut nos dívites essémus, allelúia.

Ant. 2Dóminus virtútum nobíscum, refúgium nobis Deus Iacob.

Tempore Paschali: Flúminis ímpetus lætíficat civitátem Dei, allelúia.

Ant. 3Omnes gentes vénient et adorábunt coram te, Dómine.

Tempore Paschali: Cantémus Dómino: glorióse enim magnificátus est, allelúia.

Lectio brevis

Rom 15, 1-3

Debémus nos firmióres imbecillitátes infirmórum sustinére, et non nobis placére. Unusquísque nostrum próximo pláceat in bonum ad ædificatiónem; étenim Christus non sibi plácuit, sed sicut scriptum est: Impropéria improperántium tibi cecidérunt super me.

Responsorium breve

Christus diléxit nos et lavit nos {*} In sánguine suo.

Et fecit nos Deo regnum et sacerdótium. {*}

In sánguine suo.

Glória Patri, et Fílio, et Spirítui Sancto.

Christus diléxit nos et lavit nos {*} In sánguine suo.

Ad Magnificat, ant. Suscépit nos Dóminus púeros suos, recordátus misericórdiæ suæ.

Preces

Benedíctus Deus, qui propítius vota egéntium intuétur et esuriéntes replet bonis; fidénter ígitur ei supplicémus: