SACRUM TRIDUUM PASCHALE PASSIONIS ET RESURRECTIONIS DOMINI

FERIA VI IN PASSIONE DOMINI

Ad Invitatorium

Ant. Christum, Dei Fílium, qui suo nos redémit sánguine, veníte, adorémus.

Ad Laudes matutinas

HYMNUS

PSALMODIA

Ant. 1Próprio Fílio suo non pepércit Deus, sed pro nobis ómnibus trádidit illum. Psalmus 50 (51)

Ant. 2Iesus Christus diléxit nos, et lavit nos a peccátis nostris in sánguine suo. Canticum

Ant. 3Crucem tuam adorámus, Dómine, et sanctam resurrectiónem tuam laudámus et glorificámus: ecce enim propter lignum venit gáudium in univérso mundo. Psalmus 147 (147 B)

LECTIO BREVIS

{r}Is 52, 13-15{/r}

Ecce próspere aget servus meus; exaltábitur et elevábitur et sublímis erit valde. Sicut obstupuérunt super eum multi, sic defórmis erat, quasi non esset hóminis spécies eius, filiórum hóminis aspéctus eius, sic dispérget gentes multas. Super ipsum continébunt reges os suum, quia, quæ non sunt narráta eis, vidérunt et, quæ non audiérunt, contempláti sunt.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis.

Christus factus est pro nobis obœ́diens usque ad mortem, mortem autem crucis.

Ad Benedictus, ant. Posuérunt super caput eius causam ipsíus scriptam: Iesus Nazarénus, rex Iudæórum.

PRECES

Redemptórem nostrum, qui pro nobis passus et sepúltus est, ut resúrgeret, sincéra pietáte adorémus eúmque súpplices implorémus:

Miserére nostri, Dómine.

O Dómine et Magíster noster, pro nobis usque ad mortem factus es obœ́diens,

doce nos voluntáti Patris semper obœdíre.

Miserére nostri, Dómine.

Tu, vita nostra, qui, in ligno móriens, inférnum et mortem destruxísti,

da nos tecum cómmori, ut tecum in glória resuscitémur.

Miserére nostri, Dómine.

O Rex noster, qui es oppróbrium hóminum factus et tamquam vermis calcátus,

doce nos tuam humilitátem indúere salutárem.

Miserére nostri, Dómine.

Salus nostra, qui vitam tuam pro diléctis frátribus tradidísti,

præsta, ut eádem caritáte nos ínvicem diligámus.

Miserére nostri, Dómine.

Salvátor noster, qui, expánsis in cruce mánibus, traxísti ad te ómnia sǽcula,

in regno salútis tuæ univérsos cóngrega fílios Dei dispérsos.

Miserére nostri, Dómine.

ORATIO

Réspice, quǽsumus, Dómine, super hanc famíliam tuam, pro qua Dóminus noster Iesus Christus non dubitávit mánibus tradi nocéntium et crucis subíre torméntum.

AD HORAM MEDIAM

HYMNUS

PSALMODIA

Ant. predpoludním Erat hora tértia, et crucifixérunt Iesum.

Ant. napoludnie Hora sexta ténebræ factæ sunt per totam terram usque in horam nonam.

Ant. popoludní Hora nona exclamávit Iesus voce magna, dicens: Deus meus, Deus meus, ut quid dereliquísti me?

LECTIO BREVIS

{r}Is 53, 2-3{/r}

Ascéndit sicut virgúltum coram eo et sicut radix de terra sitiénti. Non erat spécies ei neque decor, ut aspicerémus eum, et non erat aspéctus, ut desiderarémus eum. Despéctus erat et novíssimus virórum, vir dolórum et sciens infirmitátem, et quasi abscondebámus vultum coram eo; despéctus, unde nec reputabámus eum.

LECTIO BREVIS

{r}Is 53, 4-5{/r}

Vere languóres nostros ipse tulit et dolóres nostros ipse portávit; et nos putávimus eum quasi plagátum, percússum a Deo et humiliátum. Ipse autem vulnerátus est propter iniquitátes nostras, attrítus est propter scélera nostra; disciplína pacis nostræ super eum, et livóre eius sanáti sumus.

LECTIO BREVIS

{r}Is 53, 6-7{/r}

Omnes nos quasi oves errávimus, unusquísque in viam suam declinávit; et pósuit Dóminus in eo iniquitátem ómnium nostrum. Afflíctus est et ipse subiécit se et non apéruit os suum; sicut agnus, qui ad occisiónem dúcitur, et quasi ovis, quæ coram tondéntibus se obmútuit et non apéruit os suum.

Adorámus te, Christe, et benedícimus tibi.

Quia per crucem tuam redemísti mundum.

Meménto mei, Dómine.

Dum véneris in regnum tuum.

Collocávit me in obscúris.

Sicut mórtuos sǽculi.

Ad Vesperas

Vesperæ dicuntur tantum ab iis qui Actioni liturgicæ postmeridianæ non intersunt.

HYMNUS

Ant. 1Atténdite, univérsi pópuli, et vidéte dolórem meum. Psalmus 115 (116 B)

Ant. 2Anxiátus est in me spíritus meus; in me turbátum est cor meum. Psalmus 142 (143), 1-11

Ant. 3Cum accepísset Iesus acétum, dixit: Consummátum est; et inclináto cápite trádidit spíritum. Canticum

LECTIO BREVIS

{r}1 Petr 2, 21b-24{/r}

Christus passus est pro vobis vobis relínquens exémplum, ut sequámini vestígia eius: qui peccátum non fecit, nec invéntus est dolus in ore ipsíus; qui cum maledicerétur, non remaledicébat, cum paterétur, non comminabátur, commendábat autem iuste iudicánti; qui peccáta nostra ipse pértulit in córpore suo super lignum, ut peccátis mórtui iustítiæ viverémus; cuius livóre sanáti estis.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis.

Christus factus est pro nobis obœ́diens usque ad mortem, mortem autem crucis.

Ad Magnificat, ant. Cum inimíci essémus, reconciliáti sumus Deo per mortem Fílii eius.

PRECES

Pro precibus laudabiliter adhibetur oratio universalis, quæ invenitur in Missali pro hac die. Tamen ad libitum sumi possunt preces quæ hic proponuntur, vel tacita oratio fieri potest secundum intentiones ibi enuntiatas.

Dómini nostri Iesu Christi mortem pie commemorántes, ex qua mundo vita proflúxit, Deum Patrem deprecémur, dicéntes:

Per mortem Fílii tui exáudi nos, Dómine.

Ecclésiam tuam coadúna.

Per mortem Fílii tui exáudi nos, Dómine.

Papam nostrum N. tuére.

Per mortem Fílii tui exáudi nos, Dómine.

Cunctos órdines et fidéles pópuli tui Spíritu sanctífica.

Per mortem Fílii tui exáudi nos, Dómine.

Catechumenórum fidem et intelléctum adáuge.

Per mortem Fílii tui exáudi nos, Dómine.

Cóngrega christiános.

Per mortem Fílii tui exáudi nos, Dómine.

Iudǽos ad redemptiónis perduc plenitúdinem.

Per mortem Fílii tui exáudi nos, Dómine.

In Christum non credéntes luce claritátis tuæ illústra.

Per mortem Fílii tui exáudi nos, Dómine.

Te negántibus signa tuæ pietátis in rebus creátis revéla.

Per mortem Fílii tui exáudi nos, Dómine.

Rempúblicam moderántium mentes et corda dírige.

Per mortem Fílii tui exáudi nos, Dómine.

Omnes tribulátos consoláre.

Per mortem Fílii tui exáudi nos, Dómine.

Defúnctis succúrre.

Per mortem Fílii tui exáudi nos, Dómine.

Ad Completorium

Completorium de dominica post II Vesperas.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis.

Christus factus est pro nobis obœ́diens usque ad mortem, mortem autem crucis.

SABBATO SANCTO

Ad Invitatorium

Ant. Christum Dóminum pro nobis passum et sepúltum, veníte, adorémus.

Ad Laudes matutinas

HYMNUS

PSALMODIA

Ant. 1Plangent eum quasi unigénitum, quia ínnocens Dóminus occísus est. Psalmus 63 (64)

Ant. 2A porta ínferi érue, Dómine, ánimam meam. Canticum

Ant. 3Ego fui mórtuus, et ecce sum vivens in sǽcula sæculórum, et hábeo claves mortis et inférni. Psalmus 150

LECTIO BREVIS

{r}Os 5, 15d – 6, 2{/r}

Hæc dicit Dóminus: In tribulatióne sua me desíderent. Veníte, et revertámur ad Dóminum, quia ipse lacerávit et sanábit nos, percússit et curábit nos. Vivificábit nos post duos dies, in die tértia suscitábit nos, et vivémus in conspéctu eius.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

Ad Benedictus, ant. Salvátor mundi, salva nos; qui per crucem et sánguinem tuum redemísti nos, auxiliáre nobis, te deprecámur, Deus noster.

PRECES

Redemptórem nostrum, qui pro nobis passus et sepúltus est, ut resúrgeret, sincéra pietáte adorémus eúmque súpplices implorémus:

Miserére nostri, Dómine.

Christe salvátor, mæréntem Matrem tuam cruci et sepultúræ tibi próxime astáre voluísti:

ita nos in afflictiónibus nostris fac passiónis tuæ partícipes.

Miserére nostri, Dómine.

Christe Dómine, sicut granum in terram cadens, divínæ vitæ nobis fructum attulísti:

fac ut, peccáto mórtui, Deo vivámus.

Miserére nostri, Dómine.

Pastor noster, iacens sepúltus, ómnibus abscónditus permansísti:

vitam nostram tecum in Patre abscónditam amáre nos doce.

Miserére nostri, Dómine.

Novus Adam, in regnum mortuórum descendísti, ut de mortis cárcere iustos ab orígine mundi ibi deténtos liberáres:

fac ut omnes, in sepúlcro scélerum iacéntes, áudiant vocem tuam et vivant.

Miserére nostri, Dómine.

Christe, Fili Dei vivi, nos tecum per baptísmum consepelíri tribuísti:

fac ut, resurrectióni tuæ configuráti, in novitáte vitæ ambulémus.

Miserére nostri, Dómine.

ORATIO

Omnípotens sempitérne Deus, cuius Unigénitus ad inferióra terræ descéndit, unde et gloriósus ascéndit, concéde propítius, ut fidéles tui, cum eo consepúlti in baptísmate, ipso resurgénte, ad vitam profíciant sempitérnam.

AD HORAM MEDIAM

HYMNUS, ut Feria VI in Passione Domini.

PSALMODIA

Ant. ad Tertiam Credo vidére bona Dómini in terra vivéntium.

Ant. ad Sextam Dómine, abstraxísti ab ínferis ánimam meam.

Ant. ad Nonam In pace factus est locus eius, et in Sion habitátio eius.

LECTIO BREVIS

{r}1 Io 1, 8-9{/r}

Si dixérimus quóniam peccátum non habémus, nosmetípsos sedúcimus, et véritas in nobis non est. Si confiteámur peccáta nostra, fidélis est et iustus, ut remíttat nobis peccáta et emúndet nos ab omni iniustítia.

LECTIO BREVIS

{r}1 Io 2, 1b-2{/r}

Advocátum habémus ad Patrem, Iesum Christum iustum; et ipse est propitiátio pro peccátis nostris, non pro nostris autem tantum sed étiam pro totíus mundi.

LECTIO BREVIS

{r}1 Io 2, 8b-10{/r}

Ténebræ tránseunt, et lumen verum iam lucet. Qui dicit se in luce esse et fratrem suum odit, in ténebris est usque adhuc. Qui díligit fratrem suum, in lúmine manet, et scándalum ei non est.

Non relínques ánimam meam in inférno.

Nec dabis sanctum tuum vidére corruptiónem.

Dóminus mortíficat, et vivíficat.

Dedúcit ad ínferos, et redúcit.

Sepúlto Dómino, signavérunt monuméntum.

Ponéntes mílites qui custodírent illud.

Ad Vesperas

HYMNUS

PSALMODIA

Ant. 1O mors, ero mors tua; morsus tuus ero, inférne. Psalmus 116, 10-19

Ant. 2Sicut fuit Ionas in ventre ceti tribus diébus et tribus nóctibus, ita erit Fílius hóminis in corde terræ. Psalmus 142 (143), 1-11

Ant. 3Sólvite templum hoc, dicit Dóminus, et post tríduum reædificábo illud. Hoc autem dicébat de templo córporis sui. Canticum

LECTIO BREVIS

{r}1 Petr 1, 18-21{/r}

Scitóte quod non corruptibílibus argénto vel auro redémpti estis de vana vestra conversatióne a pátribus trádita, sed pretióso sánguine quasi Agni incontamináti et immaculáti Christi, præcógniti quidem ante constitutiónem mundi, manifestáti autem novíssimis tempóribus propter vos, qui per ipsum fidéles estis in Deum, qui suscitávit eum a mórtuis et dedit ei glóriam, ut fides vestra et spes esset in Deum.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

Ad Magnificat, ant. Nunc clarificátus est Fílius hóminis, et Deus clarificátus est in eo, et contínuo clarificábit illum.

PRECES

Redemptórem nostrum, qui pro nobis passus et sepúltus est, ut resúrgeret, sincéra pietáte adorémus eúmque súpplices implorémus:

Miserére nostri, Dómine.

Dómine Iesu, de látere tuo, láncea transfíxo, sánguinem et aquam effudísti, totíus Ecclésiæ mirábile sacraméntum:

per mortem, sepultúram et resurrectiónem Sponsam tuam vivífica.

Miserére nostri, Dómine.

Dómine Iesu, eórum meminísti qui resurrectiónis tuæ promissiónes erant oblíti:

meménto eórum, qui resurrectiónem tuam ignórant et sine spe vivunt.

Miserére nostri, Dómine.

Agnus Dei, pascha nostrum pro ómnibus immolátus es:

ad te trahe hómines cunctos.

Miserére nostri, Dómine.

Deus mundi univérsi, tu qui omnes fines inclúdis et inclúdi in sepultúra voluísti,

líbera humánum genus ab inférno eíque immortalitátem glóriæ dona.

Miserére nostri, Dómine.

Christe, Fili Dei vivi, qui e cruce latróni paradísum aperuísti,

defúnctos, in morte et sepultúra tibi assimilátos, tuæ resurrectióni in glória consócia.

Miserére nostri, Dómine.

Ad Completorium

Completorium de dominica post II Vesperas, quod dicitur tantum ab iis qui Vigiliæ paschali non intersunt.

Completorium dicitur tantum ab iis qui Vigiliæ paschali non intersunt.

Loco responsorii dicitur:

Ant.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

Christus factus est pro nobis obœ́diens usque ad mortem, mortem autem crucis. Propter quod et Deus exaltávit illum, et dedit illi nomen, quod est super omne nomen.

DOMINICA PASCHÆ
IN RESURRECTIONE DOMINI

Incipit tempus paschale

Ad Invitatorium

Hac die Invitatorium dicitur semper ante Laudes matutinas.

Ant. Surréxit Dóminus vere, allelúia.

Ad Laudes matutinas

HYMNUS

Ant. 1Surréxit Christus et illúxit pópulo suo, quem redémit sánguine suo, allelúia. Psalmus 62 (63), 2-9

Ant. 2Redémptor noster surréxit de sepúlcro: hymnum dicámus Dómino Deo nostro, allelúia. Canticum

Ant. 3Allelúia, resurréxit Dóminus sicut dixit vobis, allelúia. Psalmus 149

LECTIO BREVIS

{r}Act 10, 40-43{/r}

Deus suscitávit Iesum tértia die et dedit eum maniféstum fíeri, non omni pópulo sed téstibus præordinátis a Deo, nobis, qui manducávimus et bíbimus cum illo postquam resurréxit a mórtuis; et præcépit nobis prædicáre pópulo et testificári quia ipse est, qui constitútus est a Deo iudex vivórum et mortuórum. Huic omnes prophétæ testimónium pérhibent remissiónem peccatórum accípere per nomen eius omnes, qui credunt in eum.

Loco responsorii dicitur:

Ant.

Hæc dies quam fecit Dóminus: exsultémus et lætémur in ea, allelúia.

Hæc dies quam fecit Dóminus: exsultémus et lætémur in ea, allelúia.

Ad Benedictus, ant. Et valde mane, una sabbatórum, véniunt ad monuméntum, orto iam sole, allelúia.

PRECES

Christum, auctórem vitæ, quem Deus suscitávit quique nos suscitábit per virtútem suam, orémus, clamántes:

Christe, vita nostra, salva nos.

Christe, lux fúlgida in ténebris splendens, vitæ princeps et mortálium sanctificátor,

hanc diem ad laudem tuam fac nos transígere.

Christe, vita nostra, salva nos.

Dómine, qui ambulásti in via passiónis et crucis,

concéde nobis ut, tecum patiéntes et moriéntes, tecum étiam resuscitémur.

Christe, vita nostra, salva nos.

Fili Patris, magíster et frater noster, qui nos regnum et sacerdótes Deo nostro constituísti,

præsta ut tibi sacrifícium laudis offerámus in gáudio.

Christe, vita nostra, salva nos.

Rex glóriæ, præclárum exspectámus diem manifestatiónis tuæ,

ut vultum tuum contemplémur et símiles tui efficiámur.

Christe, vita nostra, salva nos.

ORATIO

Deus, qui hodiérna die, per Unigénitum tuum, æternitátis nobis áditum, devícta morte, reserásti, da nobis, quǽsumus, ut, qui resurrectiónis domínicæ sollémnia cólimus, per innovatiónem tui Spíritus in lúmine vitæ resurgámus.

In dimissione dicitur:

Ite in pace, allelúia, allelúia.

Deo grátias, allelúia, allelúia.

AD HORAM MEDIAM

HYMNUS

PSALMODIA

Ant. ad Tertiam Christus surréxit a mórtuis, iam non móritur, allelúia.

Ant. ad Sextam Tráditus est propter delícta nostra, et resurréxit propter iustificatiónem nostram, allelúia.

Ant. ad Nonam Si consurrexístis cum Christo, quæ sursum sunt quǽrite, allelúia.

LECTIO BREVIS

Cf. {r}1 Cor 15, 3b-5{/r}

Christus mórtuus est pro peccátis nostris secúndum Scriptúras et sepúltus est et suscitátus est tértia die secúndum Scriptúras et visus est Cephæ et post hæc Duódecim.

LECTIO BREVIS

{r}Eph 2, 4-6{/r}

Deus, qui dives est in misericórdia, propter nímiam caritátem suam, qua diléxit nos, et cum essémus mórtui peccátis, convivificávit nos Christo — grátia estis salváti — et conresuscitávit et consedére fecit in cæléstibus in Christo Iesu.

LECTIO BREVIS

{r}Rom 6, 4{/r}

Consepúlti sumus cum illo per baptísmum in mortem, ut quemádmodum suscitátus est Christus a mórtuis per glóriam Patris, ita et nos in novitáte vitæ ambulémus.

Hæc dies quam fecit Dóminus, allelúia.

Exsultémus et lætémur in ea, allelúia.

Ad Vesperas

HYMNUS

PSALMODIA

Ant. 1Venérunt ad monuméntum María Magdaléne et áltera María vidére sepúlcrum, allelúia. Psalmus 109 (110), 1-5. 7

Ant. 2Veníte, et vidéte locum ubi pósitus erat Dóminus, allelúia. Psalmus 113 A (114)

Ant. 3Ait Iesus: Nolíte timére; ite, nuntiáte frátribus meis ut eant in Galilǽam; ibi me vidébitis, allelúia. Canticum

LECTIO BREVIS

{r}Hebr 10, 12-14{/r}

Christus, una pro peccátis obláta hóstia, in sempitérnum consédit in déxtera Dei, de cétero exspéctans, donec ponántur inimíci eius scabéllum pedum eius; una enim oblatióne consummávit in sempitérnum eos, qui sanctificántur.

Loco responsorii dicitur:

Ant.

Hæc dies quam fecit Dóminus: exsultémus et lætémur in ea, allelúia.

Hæc dies quam fecit Dóminus: exsultémus et lætémur in ea, allelúia.

Ad Magnificat, ant. Cum esset sero die illo una sabbatórum, et fores essent clausæ ubi erant discípuli congregáti, stetit Iesus in médio et dixit eis: Pax vobis, allelúia.

PRECES

Christum Dóminum, qui mórtuus est, resurréxit et semper interpéllat pro nobis, cum fidúcia deprecémur:

Victor Rex, exáudi nos.

Christe, lux et salus ómnium géntium,

ignem Spíritus tui effúnde super nos, resurrectiónem tuam proclamántes.

Victor Rex, exáudi nos.

Israel in te Christum spei suæ agnóscat,

et omnis terra cognitióne tuæ glóriæ repleátur.

Victor Rex, exáudi nos.

Serva nos in communióne sanctórum tuórum,

et cum eis a labóribus nostris requiéscere concéde.

Victor Rex, exáudi nos.

Qui inimícam mortem superásti, cóntere in nobis inimícum tuum,

ut tibi immortáli victóri vivámus.

Victor Rex, exáudi nos.

Christe salvátor, qui, factus obœ́diens usque ad mortem, exaltátus es ad déxteram Patris,

fratres tuos in regnum glóriæ tuæ benígnus admítte.

Victor Rex, exáudi nos.

In dimissione dicitur:

Ite in pace, allelúia, allelúia.

Deo grátias, allelúia, allelúia.

Explicit Triduum paschale.

Ad Completorium

Per octavam Paschæ, cotidie dicitur alterutrum Completorium de dominica..

Loco responsorii dicitur:

Ant.

Hæc dies quam fecit Dóminus: exsultémus et lætémur in ea, allelúia.

Hæc dies quam fecit Dóminus: exsultémus et lætémur in ea, allelúia.