{v}1{/v}Deus, iudícium tuum regi da,{x}

et iustítiam tuam fílio regis;

{v}2{/v}iúdicet pópulum tuum in iustítia{x}

et páuperes tuos in iudício.

{v}3{/v}Afferant montes pacem pópulo,{x}

et colles iustítiam.

{v}4{/v}Iudicábit páuperes pópuli{+}

et salvos fáciet fílios ínopis{x}

et humiliábit calumniatórem.

{v}5{/v}Et permanébit cum sole et ante lunam,{x}

in generatióne et generatiónem.

{v}6{/v}Descéndet sicut plúvia in gramen{x}

et sicut imber írrigans terram.

{v}7{/v}Florébit in diébus eius iustítia et abundántia pacis,{x}

donec auferátur luna.

{v}8{/v}Et dominábitur a mari usque ad mare{x}

et a Flúmine usque ad términos orbis terrárum.

{v}9{/v}Coram illo prócident íncolæ desérti,{x}

et inimíci eius terram lingent.

{v}10{/v}Reges Tharsis et ínsulæ múnera ófferent,{x}

reges Arabum et Saba dona addúcent.

{v}11{/v}Et adorábunt eum omnes reges,{x}

omnes gentes sérvient ei.

{v}12{/v}Quia liberábit ínopem clamántem{x}

et páuperem, cui non erat adiútor.

{v}13{/v}Parcet páuperi et ínopi{x}

et ánimas páuperum salvas fáciet.

{v}14{/v}Ex oppressióne et violéntia rédimet ánimas eórum,{x}

et pretiósus erit sanguis eórum coram illo.

{v}15{/v}Et vivet, et dábitur ei de auro Arábiæ,{+}

et orábunt pro ipso semper;{x}

tota die benedícent ei.

{v}16{/v}Et erit ubértas fruménti in terra,{x}

in summis móntium fluctuábit;

sicut Líbanus fructus eius{x}

et florébit de civitáte sicut fenum terræ.

{v}17{/v}Sit nomen eius benedíctum in sǽcula,{x}

ante solem permanébit nomen eius.

Et benedicéntur in ipso omnes tribus terræ,{x}

omnes gentes magnificábunt eum.

{v}18{/v}Benedíctus Dóminus Deus, Deus Israel,{x}

qui facit mirabília solus.

{v}19{/v}Et benedíctum nomen maiestátis eius in ætérnum;{x}

et replébitur maiestáte eius omnis terra. Fiat, fiat.

HTML © Juraj Vidéky