{v}1{/v}Atténdite, pópule meus, doctrínam meam;{x}

inclináte aurem vestram in verba oris mei.

{v}2{/v}Apériam in parábolis os meum,{x}

éloquar arcána ætátis antíquæ.

{v}3{/v}Quanta audívimus et cognóvimus ea,{+}

et patres nostri narravérunt nobis,{x}

{v}4{/v}non occultábimus a fíliis eórum,

generatióni álteri narrántes laudes Dómini et virtútes eius{x}

et mirabília eius, quæ fecit.

{v}5{/v}Constítuit testimónium in Iacob{x}

et legem pósuit in Israel;

quanta mandáverat pátribus nostris{+}

nota fácere ea fíliis suis,{x}

{v}6{/v}ut cognóscat generátio áltera, fílii, qui nascéntur.

Exsúrgent et narrábunt fíliis suis,{x}

{v}7{/v}ut ponant in Deo spem suam

et non obliviscántur óperum Dei{x}

et mandáta eius custódiant.

{v}8{/v}Ne fiant sicut patres eórum,{x}

generátio rebéllis et exásperans;

generátio, quæ non firmávit cor suum,{x}

et non fuit fidélis Deo spíritus eius.

{v}9{/v}Fílii Ephraim, intendéntes et mitténtes arcum,{x}

convérsi sunt in die belli.

{v}10{/v}Non custodiérunt testaméntum Dei{x}

et in lege eius renuérunt ambuláre.

{v}11{/v}Et oblíti sunt factórum eius{x}

et mirabílium eius, quæ osténdit eis.

{v}12{/v}Coram pátribus eórum fecit mirabília{x}

in terra Ægýpti, in campo Táneos.

{v}13{/v}Scidit mare et perdúxit eos,{x}

et státuit aquas quasi in utre.

{v}14{/v}Et dedúxit eos in nube per diem{x}

et per totam noctem in illuminatióne ignis.

{v}15{/v}Scidit petram in erémo{x}

et adaquávit eos velut abýssus multa.

{v}16{/v}Et edúxit rívulos de petra{x}

et dedúxit tamquam flúmina aquas.

{v}17{/v}Et apposuérunt adhuc peccáre ei,{x}

in iram excitavérunt Excélsum in inaquóso.

{v}18{/v}Et tentavérunt Deum in córdibus suis,{x}

peténtes escas animábus suis;

{v}19{/v}et contra Deum locúti sunt,{x}

dixérunt: «Numquid póterit Deus paráre mensam in desérto?».

{v}20{/v}Ecce percússit petram, et fluxérunt aquæ,{x}

et torréntes inundavérunt.

«Numquid et panem póterit dare{x}

aut paráre carnes pópulo suo?».

{v}21{/v}Ideo audívit Dóminus et exársit,{+}

et ignis accénsus est in Iacob,{x}

et ira ascéndit in Israel.

{v}22{/v}Quia non credidérunt in Deo,{x}

nec speravérunt in salutári eius.

{v}23{/v}Verúmtamen mandávit núbibus désuper{x}

et iánuas cæli apéruit;

{v}24{/v}et pluit illis manna ad manducándum{x}

et panem cæli dedit eis:

{v}25{/v}panem angelórum manducávit homo;{x}

cibária misit eis ad abundántiam.

{v}26{/v}Excitávit austrum in cælo,{x}

et indúxit in virtúte sua áfricum;

{v}27{/v}et pluit super eos sicut púlverem carnes{x}

et sicut arénam maris volatília pennáta:

{v}28{/v}et cecidérunt in médio castrórum eórum,{x}

circa tabernácula eórum.

{v}29{/v}Et manducavérunt et saturáti sunt nimis,{x}

et desidérium eórum áttulit eis.

{v}30{/v}Nondum recésserant a desidério suo,{x}

adhuc escæ eórum erant in ore ipsórum,

{v}31{/v}et ira Dei ascéndit super eos,{+}

et occídit pingues eórum{x}

et eléctos Israel prostrávit.

{v}32{/v}In ómnibus his peccavérunt adhuc{x}

et non credidérunt in mirabílibus eius;.

{v}33{/v}et consúmpsit in hálitu dies eórum{x}

et annos eórum cum festinatióne.

{v}34{/v}Cum occíderet eos, quærébant eum{x}

et convérsi veniébant dilúculo ad eum;

{v}35{/v}et rememoráti sunt quia Deus adiútor est eórum{x}

et Deus Excélsus redémptor eórum est.

{v}36{/v}Et suasérunt ei in ore suo{x}

et lingua sua mentíti sunt ei;

{v}37{/v}cor autem eórum non erat rectum cum eo,{x}

nec fidéles erant in testaménto eius.

{v}38{/v}Ipse autem est miséricors{x}

et propitiátur iniquitáti et non dispérdit.

Sæpe avértit iram suam{x}

et non accéndit omnem furórem suum.

{v}39{/v}Et recordátus est quia caro sunt,{x}

spíritus vadens et non rédiens.

IV

{v}40{/v}Quóties exacerbavérunt eum in desérto,{x}

in iram concitavérunt eum in inaquóso!

{v}41{/v}Et revérsi sunt et tentavérunt Deum{x}

et Sanctum Israel exacerbavérunt.

{v}42{/v}Non sunt recordáti manus eius,{x}

diéi, qua redémit eos de manu tribulántis.

{v}43{/v}Cum pósuit in Ægýpto signa sua{x}

et prodígia sua in campo Táneos.

{v}44{/v}Convértit in sánguinem flúmina eórum{x}

et rívulos eórum, ne bíberent.

{v}45{/v}Misit in eos cœnomyíam et comédit eos,{x}

ranam et pérdidit eos.

{v}46{/v}Dedit brucho fructus eórum,{x}

labóres eórum locústæ.

{v}47{/v}Occídit in grándine víneas eórum,{x}

moros eórum in pruína.

{v}48{/v}Trádidit grándini iuménta eórum{x}

et greges eórum flammæ ignis.

{v}49{/v}Misit in eos ardórem iræ suæ,{+}

indignatiónem et comminatiónem et angústiam,{x}

immissiónem angelórum malórum.

{v}50{/v}Complanávit sémitam iræ suæ;{+}

non pepércit a morte animábus eórum{x}

et vitam eórum in peste conclúsit.

{v}51{/v}Percússit omne primogénitum in terra Ægýpti,{x}

primítias róboris eórum in tabernáculis Cham.

V

{v}52{/v}Abstulit sicut oves pópulum suum{x}

et perdúxit eos tamquam gregem in desérto.

{v}53{/v}Dedúxit eos in spe, et non timuérunt,{x}

et inimícos eórum opéruit mare.

{v}54{/v}Et indúxit eos in fines sanctificatiónis suæ,{x}

in montem, quem acquisívit déxtera eius.

{v}55{/v}Et eiécit a fácie eórum gentes{+}

et divísit eis terram in funículo hereditátis{x}

et habitáre fecit in tabernáculis eórum tribus Israel.

{v}56{/v}Et tentavérunt et exacerbavérunt Deum Excélsum{x}

et testimónia eius non custodiérunt.

{v}57{/v}Recessérunt et prævaricáti sunt,{+}

quemádmodum patres eórum,{x}

convérsi sunt retro ut arcus pravus.

{v}58{/v}In iram concitavérunt eum in cóllibus suis{x}

et in sculptílibus suis ad æmulatiónem eum provocavérunt.

{v}59{/v}Audívit Deus et exársit{x}

et sprevit valde Israel.

{v}60{/v}Et réppulit habitáculum Silo,{x}

tabernáculum, ubi habitávit in homínibus.

{v}61{/v}Et trádidit in captivitátem virtútem suam{x}

et pulchritúdinem suam in manus inimíci.

{v}62{/v}Et conclúsit in gládio pópulum suum{x}

et in hereditátem suam exársit.

{v}63{/v}Iúvenes eórum comédit ignis,{x}

et vírgines eórum non sunt desponsátæ.

{v}64{/v}Sacerdótes eórum in gládio cecidérunt,{x}

et víduæ eórum non plorabántur.

VI

{v}65{/v}Et excitátus est tamquam dórmiens Dóminus,{x}

tamquam potens crapulátus a vino.

{v}66{/v}Et percússit inimícos suos in posterióra,{x}

oppróbrium sempitérnum dedit illis.

{v}67{/v}Et réppulit tabernáculum Ioseph{x}

et tribum Ephraim non elégit,

{v}68{/v}sed elégit tribum Iudæ,{x}

montem Sion, quem diléxit.

{v}69{/v}Et ædificávit sicut excélsum sanctuárium suum,{x}

sicut terram, quam fundávit in sǽcula.

{v}70{/v}Et elégit David servum suum{+}

et sústulit eum de grégibus óvium,{x}

{v}71{/v}de post fetántes accépit eum:

páscere Iacob pópulum suum{x}

et Israel hereditátem suam.

{v}72{/v}Et pavit eos in innocéntia cordis sui{x}

et in prudéntia mánuum suárum dedúxit eos.

HTML © Juraj Vidéky